अथ श्रीअर्धनारीश्वर अष्टकम् ।।
Ardhanarishvara Ashtakam.
अम्भोधरश्यामलकुन्तलायै, तटित्प्रभाताम्रजटाधराय ।
निरीश्वरायै निखिलेश्वराय, नमः शिवायै च नमः शिवाय ॥१॥
प्रदीप्तरत्नोज्वलकुण्डलायै, स्फुरन्महापन्नगभूषणाय ।
शिवप्रियायै च शिवप्रियाय, नमः शिवायै च नमः शिवाय ॥२॥
मन्दारमालाकलितालकायै, कपालमालाङ्कितकन्धरायै ।
दिव्याम्बरायै च दिगम्बराय, नमः शिवायै च नमः शिवाय ॥३॥
कस्तूरिकाकुङ्कुमलेपनायै, श्मशानभस्मात्तविलेपनाय ।
कृतस्मरायै विकृतस्मराय, नमः शिवायै च नमः शिवाय ॥४॥
पादारविन्दार्पितहंसकायै, पादाब्जराजत्फणिनूपुराय ।
कलामयायै विकलामयाय, नमः शिवायै च नमः शिवाय ॥५॥
प्रपञ्चसृष्ट्युन्मुखलास्यकायै, समस्तसंहारकताण्डवाय ।
समेक्षणायै विषमेक्षणाय, नमः शिवायै च नमः शिवाय ॥६॥
प्रफुल्लनीलोत्पललोचनायै, विकासपङ्केरुहलोचनाय ।
जगज्जनन्यै जगदेकपित्रे, नमः शिवायै च नमः शिवाय ॥७॥
अन्तर्बहिश्चोर्ध्वमधश्च मध्ये, पुरश्च पश्चाच्च विदिक्षु दिक्षु ।
सर्वं गतायै सकलं गताय, नमः शिवायै च नमः शिवाय ॥८॥
अर्धनारीश्वरस्तोत्रं उपमन्युकृतं त्विदम् ।
यः पठेच्छृणुयाद्वापि शिवलोके महीयते ॥९॥
==============================================
==============================================
==============================================
संपर्क करें:- बालाजी ज्योतिष केंद्र, गायत्री मंदिर के बाजु में, मेन रोड़, मन्दिर फलिया, आमली, सिलवासा ।।
E-Mail :: astroclassess@gmail.com
Website :: www.astroclasses.com
।।। नारायण नारायण ।।।
0 Comments